Ի հաշիւ Եւրօ-2024-ի զտման խաղերուն, Դ. խմբակին մէջ, Ուրբաթ, Յունիս 16-ի երեկոյեան Կալլէս կը հիւրընկալէր Հայաստանը։ 

Հայրենի հաւաքականը,– որու երկրորդ մրցումն էր այս մէկը Եւրօ-2024-ի մրցաշարքին մէջ (առաջինին, իր դաշտին վրայ 1-2 պարտութիւն կրած էր Թուրքիայէն),–  հաճելի անակնկալ մը պարգեւեց թախծոտ Հայութեան, փայլուն խաղարկութիւնով մը տանելով թանկագին յաղթանակ մը, 2-4 արդիւնքով։ Հայաստանի կոլերը նշանակեցին հաւաքականին միացած երկու Սփիւռքահայեր՝ Արժանթինէն Լուքաս Սելարայեան (2) եւ Գերմանիայէն Հրանդ-Լեւոն Ռանոս (2)։

Նոյն խմբակին մէջ Թուրքիա ալ 2-3 արդիւնքով յաղթեց Լաթվիոյ, այս վերջնոյն դաշտին վրայ։

Ներկայիս, այս խմբակին դասաւորումը կը պարզէ հետեւեալ պատկերը.

1.- Թուրքիա (3 խաղ, 6 կէտ),

2.- Խրուաթիա (2 խաղ, 4 կէտ),

3.- Կալլէս (3 խաղ, 4 կէտ),

4.- Հայաստան (2 խաղ, 3 կէտ)

5.- Լաթվիա (2 խաղ, 0 կէտ)։

Հայաստանի յաջորդ մրցումը Երկուշաբթի, Յունիս 19-ին է։ Պիտի հիւրընկալէ Լաթվիան։