ԸՄԲՇԱՄԱՐՏ – Կարապետ Մանուէլեանը հարուածած ազերպայճանցի մարզիկը որակազրկուած է

Պուքրէշի մէջ ընթացող յունահռոմէական ոճի ըմբշամարտի Եւրոպայի մինչեւ 23 տարեկաններու առաջնութեան մրցումներուն, Հայաստանի ներկայացուցիչ Կարապետ Մանուէլեանի (55 քկ.) հետ մենամարտող ազերպայճանցի ըմբիշ Ռահիմ Հասանով որակազրկուած է։

Հայաստանի ըմբշամարտի դաշնակցութիւնը կը հաղորդէ, որ հայ մարզիկին յաղթանակէն ետք, ազերպայճանցի մրցակիցը անոր նկատմամբ յարձակողական կեցուածք ցուցաբերած է։ Ըմբշամարտի միջազգային դաշնակցութիւնը անմիջապէս որակազրկած է  Ազերպայճանցին։

Աւելցնենք, որ Կարապետ Մանուէլեան կէս-աւարտականին յաղթելով իր թուրք մրցակցին՝ հասած է եզրափակիչ փուլ: