Պոլսոյ մեր պաշտօնակից «Ժամանակ»-ի Մայիս 6-ի թիւին մէջ կը կարդանք.

Գոհունակութեամբ կը տեղեկանանք, որ մեր պաշտօնակից «Ակօս» շաբաթաթերթի հայերէն էջերու խմբագիր Բագրատ Էսդուգեան արժանացած է մրցանակի մը։ Այսպէս, իրեն շնորհուած է Մարդկային իրաւանց միութեան «Արտայայտութեան ու մտքի» տարեկան մրցանակը, որ հաստատուած է ի յիշատակ հանգուցեալ մտաւորական Այշէնուր Զարաքօլուի։ Մարդկային իրաւանց միութիւնը այս տարի որոշած է պարգեւատրել երեք անձնաւորութիւն եւ այդ դափնեկիրներէն մին է Բագրատ Էսդուգեանը։

Հարկ է նշել, որ Բագրատ Էսդուգեան նախապէս ալ որոշ մրցանակներու կամ պար-

գեւներու արժանացած է՝ նոյն հասարակաց յայտարարին վրայ։

Պարգեւատրման արարողութիւնը նախատեսուած է յառաջիկայ շաբթուան սկիզբը՝ Երեքշաբթի երեկոյեան ժամերուն, Մարդկային իրաւանց միութեան կեդրոնատեղիին մէջ, Պէյօղլու։