Թուրքիոյ արեւմտեան կողմը գտնուող Վան քաղաքի (հայկական քաղաք հիմնադրուած Ք.ա. 9-րդ դարուն, Վանի թագաւոր Սարդուրի Ա.-ի կողմէ) շարք մը հայկական եկեղեցիներ լքուած եւ անյուսալի վիճակի մէջ կը գտնուին՝ օր ըստ օրէ աւերուելով:
Ըստ Ermenihaber.am-ի՝ Վանի կիսաքանդ հայկական եկեղեցիներէն երկուքը՝ Ս. Բարթուղիմէոսը եւ Ս. Թովմասը հրատապ կարիք ունին վերանորոգման:
Նշենք, որ հակառակ բազմաթիւ կոչերու՝ ցարդ թրքական իշխանութիւնները փլուզման եզրին գտնուող հայկական յիշեալ երկու եկեղեցիներու վերականգնման ուղղութեամբ քայլերու չեն ձեռնարկած:
Ս. Բարթուղիմէոսը կառուցուած է 4-րդ դարուն: 1990-ականներուն վերածուած է ոստիկանական կեդրոնի, իսկ 2013-ին այդ կեդրոնի փոխադրութենէն ի վեր չէ վերանորոգուած:
Գրեթէ նոյն ճակատագրին արժանացած է նաեւ Սուրբ Թովմաս եկեղեցին՝ երկար ժամանակ ծառայելով իբրեւ գոմ: Եկեղեցին կանգուն պահելու համար վերանորոգման աշխատանքներ չեն տարուած:
