Բրիտանահայ պատմաբան Արա Սարաֆեան Դիմագիրքի իր էջին՝ այս խորագրով կը հաղորդէ տխուր լուրը, թէ Տիգրանակերտի հայ կաթողիկէ Սուրբ Սարգիս եկեղեցին դժբախտաբար չէ տոկացած վերջին երկրաշարժերուն։
«Ցաւով պիտի տեղեկացնեմ, որ Թուրքիոյ մէջ վերջերս տեղի ունեցած երկրաշարժերէն տուժած է նաեւ Տիգրանակերտի (Տիարպեքիր) Սուրբ Սարգիս լքեալ եկեղեցին։ Ինչպէս կ՚երեւի առկից լուսանկարէն, հիմնական կառոյցին մէկ ամբողջ անկիւնը փուլ եկած է։ Անկասկած, ի մօտոյ միւս պատերն ալ պիտի քանդուին։ Ես չեմ զարմանար, եթէ այդ պատերը հիմա միտումնաւոր քանդուին (անվտանգութեան նկատառումներէ ելլելով, ի հարկէ): Խե՜ղճ Սուրբ Սարգիս, այսպիսի՜ մահ, երկար ժամանակ զայն լքեալ պահողներուն եւ բնութեան ձեռքերուն մէջ»,– կը գրէ Սարաֆեան:
