Պոլսոյ «Ակօս» շաբաթաթերթը կը գրէ, թէ Թուրքիոյ Ֆութպոլի դաշնակցութեան փոխնախագահը, պատուիրակութեան մը ընկերակցութեամբ այցելած է Պոլսոյ Հայոց պատրիարքարան եւ շնորհաւորած Հայերու Սուրբ Ծնունդը։

Այցի ընթացքին Թուրքիոյ Ֆութպոլի դաշնակցութեան փոխնախագահ Մուրատ Աքսու Հայոց պատրիարքը հրաւիրած է Մարտ 25–ին կայանալիք Հայաստան–Թուրքիա ֆութպոլի հանդիպումին, ինչպէս նաեւ նուիրած է Թուրքիոյ հաւաքականի մարզաշապիկը։

Անոնց հետ պատրիարքարան այցելած է նաեւ Պոլսոյ Luys TV–ի ղեկավար Արամ Քուրան։