Իրանի խորհրդարանը յատուկ յայտարարութեամբ դատապարտած է Իսրայէլի մէջ Ազերպայճանի դեսպանատան բացումը: Իրանցի օրէնսդիրները երկրի դիւանագիտական գերատեսչութենէն պահանջած են քայլերու ձեռնարկել այդ ուղղութեամբ։ Լուրը հաղորդած է IRNA պետական լրատու գործակալութիւնը:
Աղբիւրին համաձայն՝ Իրանի օրէնսդիր մարմինը սոյն դեսպանատան բացումը որակած է «անհաւատալի քայլ մը, որ կը հակասէ իսլամական աշխարհի շահերուն»:
Իրանցի երեսփոխանները արաբական եւ մահմետական կառավարութիւններուն ու կազմակերպութիւններուն կոչ ըրած են հետեւելու իրենց օրինակին եւ դատապարտելու Ազերպայճանի քայլը։
Նշենք, թէ երեք տասնամեակէ ի վեր շարունակուող դիւանագիտական յարաբերութիւններէ ետք, Ազերպայճան անցեալ օրերուն առաջին դեսպանատունը բացաւ Իսրայէլի մէջ, այդպէսով դառնալով աշխարհի մէջ միակ երկիրը, որ ունենալով շիի մեծամասնութիւն՝ իր սեփական դեսպանատունը կը բանայ Իրանի վաղեմի հակառակորդ Իսրայէլի մէջ:
