Յունիս 29-ին, Իրանի մայրաքաղաք Թեհրանի մէջ ծայր առած է «Մոպարաք» միջազգային 19-րդ տիկնիկային փառատօնը, մասնակցութեամբ՝ Պրազիլի, Փերուի, Թուրքիոյ, Վրաստանի եւ Երեւանի տիկնիկային թատերախումբերուն։ Վերջինս հանդիսատեսին ներկայացուցած է Սամսոն Մովսիսեանի «Կարապի լիճը» բեմադրութիւնը, Յուլիս 3-ին եւ 4-ին, «Ղաշղայի» համալիրի դահլիճին մէջ։ Ներկայ եղած են Իրանի Մշակոյթի նախարարութեան վարչութեան պետ Քազեմ Նազարի, Իրանի մէջ Հայաստանի դեսպանութեան խորհրդական Սերգէյ Գրիգորեան եւ այլ պաշտօնատարներ: 

Հակառակ անոր, որ «Կարապի լիճը» նախատեսուած է չափահաս հանդիսատեսին համար, սակայն Խամաճիկներու թատերախումբի բեմական պարզ լուծումներուն շնորհիւ մեծ ընդունելութեան արժանացած է երախաներուն կողմէ։  

Հարկ է նշել, թէ թատերախումբը նաեւ Թեհրանի հայ մանուկներուն ներկայացուցած է Աննա Էլբակեանի «Իսկական ընկեր» թատերգութիւնը, Հայ Համալսարանականներու ընդհանուր միութեան «Նիկոլ Աղբալեան» սրահին մէջ։