Պաքուի մէջ Իրանի դեսպան Սէյիտ Ապաս Մուսավի Ապրիլ 3-ին հրաւիրուած է Ազերպայճանի Արտաքին գործոց նախարարութիւն։
«Թուրան» գործակալութեան համաձայն` լուրը հաղորդած է Ադրբեջանի Արտաքին գործոց նախարարութեան մամլոյ բանբեր Այհան Հաճիզատէ՝ նշելով, որ ազերպայճանական կողմը այսպէսով պատասխանած է Իրանի դիւանագիտական գերատեսչութեան կողմէ Պաքու ղրկուած բողոքագրին, ուր իսլամական հանրապետութիւնը կոչ կ՚ընէր Ազերպայճանի իշխանութիւններուն քայլերու ձեռնարկելու լրասփիւռներու մէջ հակաիրանական բնոյթի տեղեկութիւններու տարածումը զսպելու համար։
«Դեսպանին հաղորդուած է, որ իրանական լրասփիւռներու մէջ պարբերաբար յայտնուող և վիրաւորական, զրպարտիչ ու կանխակալ բնոյթ կրող հրապարակումները կը վնասեն երկու երկիրներու յարաբերութիւններուն եւ կը խորացնեն առկայ թիւրըմբռնումը։
Բացի ատկէ ընդգծուած է, որ երկկողմ յարաբերութիւններու մէջ ծագող թիւրիմացութիւնները միշտ իրանական կողմի մեղքով կ՚ըլլան, քանի ան բաւարար փոխադարձութեամբ չ՚արձագանգեր Պաքուի հետևողական և դրական քայլերուն»,– նշուած է Ազերպայճանի դիւանագիտական գերատեսչութեան հրապարակած յայտարարութեան մէջ։
