Հայաստանի Կրթութեան, գիտութեան, մշակոյթի ու մարզանքի նախարարութեան աջակցութեամբ եւ Հայաստանի Ազգային գրադարանի Գրականութեան բաժնին կողմէ համակարգուող «Հայ գրականութիւնը թարգմանութիւններու մէջ» ծրագրի շրջանակին մէջ, Լաթվիոյ մայրաքաղաք Ռիկայի մէջ լոյս տեսած է ժամանակակից հայ գրող Գրիգի «Յիսուսի կատուն» (Jēzus Kaķis)՝ պատմուածքներու ժողովածուն։

Գիրքը ներկայացուած է որպէս ժամանակակից հայ գրականութեան ընտրանի։

Հեղինակը լաթվիացի ընթերցողներուն կը ներկայացնէ բազմաշերտ ու խորհրդանշական պատմութիւններ՝ համեմուած հայ միտքի ու երգիծաբանութեան առանձնայատկութիւններով։

Հատորը հրատարակուած է 2024-ին, Ռիկայի մէջ, «Ջումաւա» Apgāds Jumava հրատարակչութեան կողմէ։

Հայերէնէն լաթվիերէն թարգմանութեան հեղինակն է Վալտա Սալմինա, խմբագիրը՝ Սանտրա Սքուժա։

Գիրքը հայերէնով հրատարակուած է 2015-ին, «Անտարես» հրատարակչութեան «XXI. արդի հայ արձակ» մատենաշարով։ Բազմիցս վերահրատարակուած եւ թարգմանուած է տարբեր լեզուներով։