Ստեփանակերտի հիւանդանոցէն ծանր վիճակի մէջ գտնուող հիւանդ մը Արցախի Կարմիր խաչի միջազգային կոմիտէին միջնորդութեամբ փոխադրուած է Հայաստան:
«Արմէնփրէս»-ի թղթակցին հետ զրոյցին այս մասին տեղեկացուցած է Կարմիր խաչի Արցախի կեդրոնի մամլոյ բանբեր Եթերի Մուսայէլեան:
Հայաստանի Առողջապահութեան նախարարութենէն հաղորդած են, թէ սրտի հիւանդութեամբ տառապող Արցախցին նախ փմխադրուած է Գորիսի բժշկական կեդրոնը, ուր վերջինիս առողջական վիճակը գնահատելէ ետք, զինք տեղափոխած են Երեւանի Նորք Մարաշ հիւանդանոցը։
