Հայաստանի տարածք ներխուժած ազերպայճանցի զինուորականները վանդալական արարք գործած են Որոտնավանքի եկեղեցւոյ մէջ։

Արդարեւ, համացանցով տարածուած տեսանիւթին մէջ կ՚երեւի, որ պատռուած է եկեղեցւոյ պատին փակցուած Գրիգոր Տաթեւացիի պատկերը։

Որոտնավանքը միջնադարեան վանական համալիր է՝ Հայաստանի Սիւնիքի մարզին մէջ։ Ան կը գտնուի Սիսիանէն շուրջ 14 քմ. արեւելք, Որոտանի կիրճի ձախակողմեան բարձունքին վրայ։ Հիմնադրուած է 1000 թուականին Սիւնեաց թագուհի Շահանդուխտի կողմէ։