Մարտ 29-ին, Հայկական բարեգործական ընդհանուր միութեան (ՀԲԸՄ) Հունգարիոյ Երիտասարդ արհեստավարժներու (Young Professionals) խումբը Պուտափեշտի մէջ երիտասարդութեան հետ հանդիպում մը կազմակերպած է՝ «Կամրջելով մշակոյթները» բնաբանով։

Ձեռնարկին ողջոյնի խօսքով հանդէս եկած է նաեւ Հունգարիոյ մէջ Հայաստանի դեսպան Ա․Սմբատեան։ Ան յատկապէս ընդգծած է ՀԲԸՄ-ի գործունէութիւնը եւ ներդրումը Հայաստան-Սփիւռք կապերու ամրապնդման մէջ։ Դեսպանը կարեւոր նկատած է ՀԲԸՄ-ի ներկայացուցչութեան հիմնումը Հունգարիոյ մէջ՝ մաղթելով նորանոր յաջողութիւններ։