«Ապրելու երկիր» կուսակցութեան հիմնադիր Մանէ Թանդիլեան Մարտ 1-ին հացադուլ սկսած է «Ազատութիւն» հրապարակին վրայ։
Ան իր Դիմագիրքի էջին գրառման մէջ կ՚ըսէ.
«Այսօր արդէն 12-րդ օրն է, որ Ռուբէն Վարդանեանը հացադուլի մէջ է։ Ամէն մէկ աւելի օր հացադուլը իր առողջութեան համար անշրջելի հետք է թողնում՝ կեանքի անդառնալի սպառնալիքով։
Դժուար է պատկերացնել, թէ ի՛նչերի միջով է անցնում Ռուբէնը, սակայն մի բան ակնյայտ է եւ ինքնախաբէութեան տեղ չի թողնում․ Ռուբէնի կողմից այս քայլին գնալը ապացուցում է, որ սպառուել են մնացած գործիքները։
Սա քայլ է՝ հրաւիրելու միջազգային հանրութեան ուշադրութիւնը Բաքուի բանտերում պահուող հայ գերիների նկատմամբ իրականացուող ապօրինի դատավարութիւններին։ Ռուբէնն ու մեր միւս գերիները պայքարում են յանուն Հայաստանի եւ հայ ժողովրդի արժանապատւութեան, որի համար կրում են անպատկերացնելի զրկանքներ՝ մնալով հոգեպէս եւ բարոյապէս շատերիցս ուժեղ ու ամուր։
Ռուբէ՛ն, ես ամաչում եմ, որ դուք դեռ գտնւում էք Բաքուի բանտերում եւ որեւէ ջանք չի ունենում իր ազդեցութիւնը գոնէ այնքանով, որ դուք ստիպուած չլինէք դիմել այսպիսի ծայրայեղ քայլերի։
Բայց ուզում եմ իմանաք․ մեր հայրենիքը ձեզ սպասում է, վերադարձէք Հայաստան՝ ողջ եւ առողջ։
Լիովին սատարելով Ռուբէն Վարդանեանի հացադուլի հիմքում ընկած պահանջներին, այս պահից “Ազատութիւն” հրապարակում սկսում եմ հացադուլ՝ որպէս խնդրանք Ռուբէնին՝ դադարեցնելու իր կեանքի համար անդառնալի սպառնալիք հանդիսացող այս հացադուլը։
Ռուբէ՛ն, հայ ժողովրդի արժանի զաւակ, հայրենիքդ քո կարիքն ունի եւ քեզ սպասում ենք այստեղ…»։
Նշենք, թէ նոյն հրապարակին վրայ բացի Թանդիլեանէն արդէն երեք հոգի հացադուլ յայտարարած է ի զօրակցութիւն Ռուբէն Վարդանեանի։
© 2023 Բոլոր իրաւունքները վերապահուած են։
