Փետրուար 7-էն 11 Մոսկուայի մէջ տեղի ունեցած է «Prodexpo 2022» 29–րդ միջազգային ցուցահանդէսը, որուն՝ Հայաստանի խաղողագործութեան և գինեգործութեան հիմնադրամը (ՀԽԳՀ) ազգային միասնական տաղաւարով ներկայացուցած է հայկական գինիները։ Ցուցահանդէսին մասնակցած է ՀՀ Տնտեսութեան նախարարի տեղակալ Արման Խոջոյեան։
Նշենք, թէ այս ցուցահանդէսը՝ Ռուսաստանի եւ Արեւելեան Եւորոպայի սնունդի արդիւնաբերութեան և ոգելից ըմպելիներու ամէնէն մեծ միջազգային ձեռնարկն է։ Մի՛այն այս տարի ցուցահանդէսը ունեցած է շուրջ 2660 մասնակից, 73 երկիրներէ։
«Prodexpo 2022»-ին մասնակցած են հայկական գինեգործական 15 ընկերութիւններ: Անոնցմէ չորսը՝ առաջին անգամն է որ հանդէս կու գային ռուսական հարթակի վրայ՝ առիթ ձեռք ձգելով ծանօթանալու և իրենց արտադրանքը ներկայացնելու առևտրային ցանցերու և ներածող ընկերութիւններու ներկայացուցիչներուն:
Ցուցահանդէսի շրջանակին մէջ տեղի ունեցած է նաև համտես-մրցոյթ, որուն առաջին անգամ մասնակցող հայկական GS Wine Company ընկերութեան «Տիրանի» նռան գինին արժանացած է ոսկէ շքանշանի և պատուոյ գիրերու: Ոսկեայ, արծաթեայ և պրոնզեայ շքանշաններ շահած են նաև «Արմենիա վայն» ընկերութեան երկու տասնեակէ աւելի գինիներ:
