Հաղորդագրութիւն

Միջնադարու մեծ մտածող, բանաստեղծ, աստուածաբան ու երգահան Ներսէս Շնորհալիի (Ներսէս Դ. Կլայեցի կաթողիկոս) մահուան 850-րդ տարելիցը ընդգրկուած է ԻՒՆԷՍՔՕ-ի հռչակաւոր անձնաւորութիւններու եւ կարեւոր իրադարձութիւններու 2022-2023 թուականներու օրացոյցին մէջ:

Մաշտոցեան մատենադարանը` որպէս միջնադարեան հայ գրաւոր մշակոյթի կարեւորագոյն կեդրոն, այս յոբելեանին առթիւ կը կազմակերպէ «Ներսէս Շնորհալի՝ բազմաշնորհ հայրապետը» խորագրով հայագիտական միջազգային գիտաժողով մը, որ նպատակ ունի վերարժեւորելու եւ նորովի գնահատելու Ներսէս Շնորհալիի բացառիկ դերն ու նշանակութիւնը՝ հայ միջնադարեան գրականութեան եւ մշակոյթին մէջ: Գիտաժողովին պիտի մասնակցին 6 տասնեակէ աւելի հայ եւ օտար անուանի հայագէտներ:

Գիտաժողովը տեղի կ՚ունենայ 2023 Յունիս 21-23, Մատենադարանին մէջ։

«Սուրբ Մեսրոպ Մաշտոց» Մատենադարան