«Իրական Հայաստանը միջազգային հանրութեան կողմից ճանաչուած Հայաստանն է 29.743 քառ. քմ. տարածքով»։ Այս մասին ուղղակի հեռարձակումով ըսած է Փաշինեան։
«Այս համակարգի համար էական է համաժողովրդական հանրաքուէով նոր Սահմանադրութեան ընդունումը, քանի որ գործող Սահմանադրութեան ընդունման համար անցկացուած բոլոր հանրաքուէները ունեն օրինականութեան լրջագոյն պակաս։ Նոր սահմանադրութեան ընդունման ռազմավարական նպատակը անցումն է պետականազուրկ ազգի մնացորդային գործելակարգից դէպի պետականակերտ ժողովրդի գործելակարգ»,– նշած է վարչապետը։
«Հայաստանի քաղաքացիները իրենց պէտք է ընկալեն եւ թերեւս ընկալում են որպէս ՀՀ հիմնադիր, բայց պէտք է նաեւ իրենք իրենց ընկալեն որպէս ՀՀ-ում հաստատուած իրաւայարաբերութիւնների սահմանադրական կարգի՝ իրաւունքների եւ պարտականութիւնների համակարգի հիմնադիր, եւ իրենք այդ իրաւունքների եւ պարտականութիւնների հետ առնչուելիս պէտք է արձանագրեն, որ դա իրենց ստեղծածը եւ իրենց հեղինակածն է, հետեւաբար իրաւակարգը, որը պետութեան մէջ գոյութիւն ունի, հարազատ է իրենց եւ իրենց կողմից ստեղծուած է։
Այսօր, իմ ընկալմամբ, մենք շատ դէպքերում այս ընկալումը չունենք, եւ շատ դէպքերում պետութեան ներսում գործող իրաւակարգը ընկալւում է որպէս ինչ-որ ուրիշի կողմից քաղաքացիներին պարտադրուած, ևեւ սա մեր պետութեան առաջընթացի կարեւորագոյն խոչընդոտներից է»,– ընդգծած է Փաշինեան։
© 2023 Բոլոր իրաւունքները վերապահուած են։
