Նախագահ Տանըլտ Թրամփ Truth-ի իր հաշիւին գրառումով կը հաղորդէ, թէ Մայքըլ Գաւուքճեանը նշանակած է Նորվեկիոյ մէջ ԱՄՆ-ու դեսպան։

Ան նաեւ նշած է, թէ ենթական նախապէս իբրեւ սպայ ծառայած է ԱՄՆ-ու կեդրոնական հետախուզական վարչութեան մէջ։

«Մայքըլ փայլուն իրաւաբան է, որ ներկայիս կը վարէ White & Case ընկերութեան աւագ գործընկերոջ (Senior Partner) պաշտօնը, ղեկավարելով առեւտրական մարզի բարդ դատեր պաշտպանող խումբեր ամբողջ աշխարհի տարածքին։ Ան Սթենֆորտի համալսարանի եւ Հարվարտի իրաւաբանական դպրոցի շրջանաւարտ է»,– կը գրէ Թրամփ։