Շրջափակման մէջ գտնուող արցախցի երախաները ամանորեայ տրամադրութենէն չզրկելու համար Դեկտեմբեր 23-ին, Ստեփանակերտի «Օղակաձև» պուրակին մէջ տեղի ունեցած է տօնածառի լոյսերու վառման արարողութիւնը:
Արցախցի մանուկներուն այցելած են կենդանապատկերներու հերոսներ, Կաղանդ պապան եւ Ձիւնանուշը:
Ստեփանակերտի քաղաքապետարանի Մշակոյթի և երիտասարդութեան բաժնի վարիչ Տաթեւիկ Բալայեան ըսած է, թէ շրջափակուած Արցախի մէջ շատ դժուար էր որոշել եւ կազմակերպել նման ձեռնարկ:
“Տօնածառի լոյսերը պէտք էր վառուէին Դեկտեմբեր 20-ին: Քանի մը օր յետաձգելէ յետոյ, քաղաքապետ Դաւիթ Սարգսեանի հետ որոշեցինք չզրկել մեր երախաները այս հէքեաթային պահէն: Խորհրդանշական է, որ այս ձեռնարկը զուգադիպեցաւ 1941-ին Լենինկրատի շրջափակման ընթացքին՝ Դեկտեմբեր 23-ին տօնածառ տեղադրելու օրուան հետ”,– ըսած է ան եւ աւելցուցած, որ քաղաքապետարանի կողմէ կը նախատեսուի Դեկտեմբեր 31-ի առաւօտեան մայրաքաղաքի մանուկներուն նուէրներ բաժնել:
Ձեռնարկի ընթացքին Կաղանդ պապան ու Ձիւնանուշը շնորհաւորած են մանուկները՝ մաղթելով, որ 2023-ը Արցախցիներուն համար ըլլայ խաղաղութեան, բարեբերութեան, լիութեան, առատութեան ու արեւշատութեան տարի:
