Ուքրաինայի նախագահ Վլատիմիր Զելենսքի ընդունած է թրքական «Պայքար» ընկերութեան գործադիր տնօրէն Հալուք Պայրաքթարը, որու հետ քննարկած է իր երկրին եւ թրքական ընկերութեան միջեւ հետագայ համագործակցութիւնը՝ ուքրաինական բանակի պաշտպանունակութեան ամրապնդման հեռանկարով։
Կողմերը քննարկած են Ուքրաինայի մէջ «Պայքար» գործատան կառուցման եւ ուքրաինական բաղադրիչներով նոր սարքերու արտադրութեան մանրամասնութիւնները։
Զելենսքի բարձր գնահատած է Հալուք Պայրաքթարի եւ անոր ընկերութեան ներդրումը Ռուսաստանի դէմ պայքարին՝ ուքրաինական բանակի մարտունակութեան բարձրացման մէջ եւ զայն պարգեւատրած է «Պատուոյ» առաջին աստիճանի շքանշանով։
“Ուքրաինայի մէջ բոլորը գիտեն, թէ ինչ է Պայրաքթարը, գիտեն ձեր ընկերութիւնը: Շնորհակալ եմ, շնորհակալ եմ նախագահ Էրտողանին՝ ռուսական յարձակման դէմ այս պատերազմին Թուրքիոյ քաղաքացիներու աջակցութեան համար”,– ըսած է Զելենսքի։
