Ազերպայճանի Արտաքին գործոց (ԱԳ) փոխնախարար Էլնուր Մամետով՝ հակադարձելով Հայաստանի ԱԳ նախարար Արարատ Միրզոյեանի՝ ՄԱԿ-ի ամպիոնէն կատարած յայտարարութիւններուն, ըսած է. “Պատերազմական յանցագործութիւններու կասկածեալները պատասխանատւութեան ենթարկելը ոչ միայն Ազերպայճանի իրաւունքն է, այլ նաեւ միջազգային իրաւունքի պարտաւորութիւնը”։ Ան աւելցուցած է, թէ «Պաքու երաշխաւորած է եւ միջազգային չափանիշերուն համապատասխան կ’ապահովէ մեղադրեալներու դատավարական իրաւունքները»։
Յիշեցնենք, թէ Պաքուի մէջ ընթացող երկու շինծու դատական գործերով կը դատուին 16 հայեր, անոնց մէջ՝ Արցախի երեք նախկին նախագահները, Արտաքին գործոց նախարարը, Պաշտպանութեան նախարարը, Պետական նախարար Ռուբէն Վարդանեան, որ շուրջ մէկ շաբաթ է հացադուլի մէջ է՝ բողոքելով իր նկատմամբ ճնշումներու եւ ապօրինութիւններու դէմ:
Պաքու հայերուն դէմ ծանրագոյն մեղադրանքներ յարուցած է՝ «ցեղասպանութենէն» մինչեւ «ահաբեկչութիւն»:
© 2023 Բոլոր իրաւունքները վերապահուած են։
