Դեկտեմբեր 19-ին, Պելճիքայի Հայերը Պրիւսէլի մէջ բողոքի ցոյց մը կատարած են՝ Եւրոպական Միութենէն եւ միջազգային համայնքէն պահանջելով ճնշում բանեցնել Ազերպայճանի վրայ, որ բանայ Արցախը աշխարհին կապող միակ ճանապարհը:
Եւրոպայի հայ դատի գրասենեակի ղեկավար Գասպար Կարապետեան իր ելոյթին յայտնած է, թէ Եւրոպական Միութիւնը Ազերպայճանի գործողութիւններուն դէմ՝ դատապարտող յայտարարութիւններէն անդին պէտք է գործնական քայլերու դիմէ:
Ցուցարարները պարզած են Հայաստանի եւ Արցախի դրօշները, ինչպէս նաեւ պաստառներ՝ «Դադրեցուցէք Ազերպայճանի յարձակումը» եւ այլ գրութիւններով:
