Արցախի Հանրապետութեան Պետական նախարար Ռուբէն Վարդանեան Դիմագիրքի իր էջին գրառումով շնորհակալութիւն յայտնած է Արցախին զօրակցողներուն.
«Այսօր կրկին անգամ համոզուեցինք, թէ որքան արժէքաւոր է իւրաքանչիւր Հայի ձայնը, որն ապրում է հայրենիքից հեռու, բայց անտարբեր չէ Արցախի ճակատագրի նկատմամբ։ Կարէն Խաչանովի, Հենրիխ Մխիթարեանի, Ռոզա Լինի, Քիմ Քարդաշեանի, Սերժ Թանկեանի եւ շատ ուրիշ հանրաճանաչ Հայերի օրինակները ցոյց են տալիս, թէ որքան կարեւոր է հայկական աշխարհի ներկայացուցիչների աջակցութիւնը, համախմբուածութիւնն ու համատեղ ջանքերը՝ Արցախի ձայնը ամբողջ աշխարհում լսելի դարձնելու համար։
Շնորհակալ եմ բոլորին, միջազգային կազմակերպութիւններին, տարբեր պետութիւնների կառավարութիւններին, առանձին գործիչներին, որոնք այս ծանր շրջանում սատարում են մեզ ու մեր պայքարին։ Վստահ եղէք, որ մենք իսկապէս գնահատում եւ զգում ենք ձեր աջակցութիւնն այստեղ՝ Արցախում: Այդ աջակցութիւնը շատ կարեւոր է Արցախի 120 հազար Հայութեան համար»։
