Մարտ 5-ին, Ազգային ժողովին մէջ ընդդիմադիր երեսփոխան Գեղամ Նազարեանի հարցումին, թէ ի՞նչ կ՚ընէ Հայաստանի դիւանագիտութիւնը գերիներու վերադարձը ապահովելու եւ հարցը միջազգային հանրութեան ուշադրութեան արժանացնելու համար, վարչապետ Փաշինեան պատասխանած է, թէ կ՚ընեն ինչ որ հնարաւոր է եւ կ՚առաջնորդուին չվնասելու սկզբունքով:
“Եթէ հարց է առաջանում, թէ ինչո՞ւ արդիւնք չկայ, ես միշտ բերում եմ 2023 Դեկտեմբերի օրինակը, երբ մեր հայրենակիցները վերադարձան Հայաստան”,– ըսած է վարչապետը, միաժամանակ անգամ մը եւս մատնանշելով գերիներու բանտարկութեան պայմաններուն առնչութեամբ շատ ծանրակշիռ երեւոյթ մը,– ի շարս այլոց,– որ ֆիզիքական եւ հոգեբանական չարչարանքներու եւ հաւանաբար դեղերու ալ միջոցով անոնց վրայ ազդեցութիւն ներգործելու փորձն է։
“Մեր գնահատականը յստակ է՝ արգելուած միջոցներով, այդ թւում՝ ֆիզիքական, հոգեբանական եւ այլ արգելուած միջոցներով տեղի է ունենում արգելուած ներգործութիւն: Դա բնականաբար, անընդունելի է մեզ համար”,– յայտարարած է վարչապետը:
© 2023 Բոլոր իրաւունքները վերապահուած են։
