Մարտ 19-ին աշխարհասփիւռ անուանի Հայերը պիտի հաւաքուին Փարիզի մէջ՝ նշելու համար կարեւոր առաքելութիւն ստանձնած «Ծագումով հայեր» հաղորդաշարի 15-ամեակը:

Այս առթիւ կը կազմակերպուի «Ծագումով Հայեր-2023» մրցանակաբաշխութիւնը, որ կեանքի  կը կոչուի  «Գագիկ Ծառուկեան» բարեսիրական հիմնադրամի հովանիին ներքոյ եւ Ալֆորվիլի քաղաքապետարանի աջակցութեամբ։

Մրցանակաբաշխութեան արարողութեան ներկայ կ՚ըլլան ամենատարբեր ոլորտներու 200-է աւելի անուանի հայ ներկայացուցիչներ, որոնք կը պարգեւատրուին Շառլ Ազնաւուրի անուանական ոսկի շքանշաններով եւ պատուոյ գրերով։