Կիրակի, Հոկտեմբեր 9-ին, Ֆրանքֆուրթի մէջ տեղի ունեցաւ ֆութպոլի Եւրոպայի ազգերու՝ Եւրօ-2024 մրցաշարքի զտման փուլերու խմբակներու վիճակահանութիւնը։

Այսպիսի պահու, պատմութիւնը աւելի հեգնական չէր կրնար ըլլալ։ Արդարեւ Հայաստան եւ Թուրքիա յայտնուեցան նոյն՝ Դ. խմբակին մէջ, Կալլէսի, Խրուաթիոյ եւ Լաթվիոյ հետ։ 

Իսկ Ֆրանսա՝ Բ. խմբակին մէջ պայքար պիտի մղէ Նետերլանտներու, Իռլանտայի Հանրապետութեան, Յունաստանի եւ Ճիպրալթարի դէմ։