Ֆրանսահայ ծանօթ խմբագիր Վալերի Թորանեան կը դառնայ հեղինակաւոր ” Le Point ” շաբաթաթերթի խմբագրապետուհի։
Շաբաթաթերթին տնօրէնը՝ Էթիէն Ժերնէլ այս առթիւ, Թուիթըրի իր էջին կատարած գրառման մէջ կ՚ըսէ.-
«Ուրախ եմ ծանուցելու այնքա՜ն փայլուն Վալերի Թորանեանի ժամանումը՝ որպէս ” Le Point “-ի խմբագրապետուհի։ ” Elle France “-ի եւ ” Revue des deux mondes “-ի մէջ իր արձանագրած յաջողութիւններէն ետք, թերթիս բոլոր աշխատակիցներուն հետ՝ ան հետամուտ պիտի ըլլայ մեր (մեծ) յաւակնութիւններու իրագործման։ Բարի՛ եկար Վալերի»։
