Եւրոպայի հարցերու Պետական քարտուղար Լոռանս Պուն յայտարարած է, որ քանի մը երկիրներ լկտի կերպով շահագործեցին Ֆրանսան ցնցած վերջին խռովութիւնները, եւ յատկապէս նշած է Իրանը, Թուրքիան ու Ազերպայճանը:
“Կառավարութիւնը լայնօրէն հաղորդեց, ներառեալ՝ արտասահմանի մէջ, կարգուկանոնը վերականգնելու համար ձեռնարկուած միջոցներուն մասին։ Մեր դեսպանատուները, որոնք տեղեկացուած էին, կրցան ապահովութիւն տալ, որ զբօսաշրջիկներու թիւի անկում կամ կեցութեան ջնջումներ չըլլան։
Միաժամանակ, հաստատեցինք որոշ երկիրներու լկտի կեցուածքը, որոնք չվարանեցան շահագործելու եւ խեղաթիւրելու իրավիճակը, իրադարձութիւններու պատկերները օգտագործելով իրենց ներքին եւ արտաքին քարոզչութեան համար”,– ըսած է Պուն, Ծերակոյտին մէջ պատասխանելով Ֆրանսայի պատկերին՝ արտասահմանի մէջ վատթարացման վերաբերեալ հարցումի մը։
“Մենք կանոնաւորաբար արձագանգեցինք Ազերպայճանի, Թուրքիոյ, Իրանի մեկնաբանութիւններուն։ Անոնց դասերը գոնէ ծիծաղելի կրնային ըլլալ, եթէ այդ երկիրները նուազ թերութիւններ ունենային մարդկային իրաւանց կալուածին մէջ”,– աւելցուցած է ան:
