Տնտեսութեան նախարար Գէորգ Պապոյեան

Յունուար 13-ին, լրագրողներու հետ ասուլիսին Հայաստանի Տնտեսութեան նախարար Գէորգ Պապոյեան հաղորդած է, թէ 2024-ին Հայաստան այցելած է շուրջ երկու միլիոն 215 հազար զբօսաշրջիկ, աւելցնելով թէ այս ցուցանիշը եօթը տոկոսով նուազած է 2023-ի բաղդատմամբ։

“Նուազած է Ռուսաստանէն եկող զբօսաշրջիկներու թիւը, իսկ օրինակ՝ Հնդկաստանէն, Արաբական Միացեալ Էմիրութենէն, Վրաստանէն, Իրանէն, Ֆրանսայէն, Չինաստանէն, Հարաւային Գորէայէն այցելողներու թիւը աւելցած է: Կառավարութեան նպատակն է 2026-ին ունենալ 2,5 միլիոն զբօսաշրջիկ”,– ըսած է նախարարը: