Յունուար 10-ին, իր երկրի լրասփիւռներուն հետ ասուլիսին, Ազերպայճանի նախագահ Իլհամ Ալիեւ դարձեալ արծարծած է «Զանգեզուրի միջանցք»-ի բացման հարցը։ 

“Զանգեզուրի միջանցքի գործարկումը պատմական անհրաժեշտութիւն է, եւ Հայաստան ուզէ թէ չուզէ, ան պիտի իրագործուի: Զանգեզուրի միջանցքով հաղորդակցութիւնը մեզի համար ո՛չ միայն տնտեսական, այլեւ ռազմավարական նշանակութիւն ունի։ Լիովին վստահ ենք, որ ատոր իրագործումը մեր բնական իրաւունքն է։ Բացի ատկէ, միջանցքի հարցը նախատեսուած է 2020-ի եռակողմ յայտարարութեամբ,– ճիշդ է, «Զանգեզուրի միջանցք» եզր չկայ հոն, եւ մենք յետոյ զայն ներմուծեցինք,– սա յստակօրէն կ՚ապացուցէ, որ Ազերպայճանի արեւմտեան շրջաններու եւ Նախիջեւանի միջեւ հաղորդակցութիւն պէտք է գոյանայ։ Հայաստան պէտք է հաստատէ զայն, ատիկա անխուսափելի է, ուշ կամ կանուխ այս ծրագիրը կեանքի պիտի կոչուի։ Հայաստան փաստօրէն չի կատարեր իր ստանձնած պարտաւորութիւնները։ Մենք  պիտի շարունակենք մեր աշխատանքը։ Միջանցքը ոչ միայն մեր, այլեւ  շարք մը դրացի պետութիւններու եւ տարածաշրջանին համար է”,– ըսած է Ալիեւ։