Ազգային ժողովի նախկին երեսփոխանուհի Նայիրա Զօհրաբեան Դիմագիրքի իր էջին գրառումով մը կը տեղեկացնէ, թէ Սերկեյ Կարապետեան, որ 2015-էն ի վեր Խերսոնի (Ուքրաինա) բանտն էր՝ Ազերպայճանի նախիջեւանեան մաֆիայի ներկայացուցիչներէն մէկուն հետ վիճաբանութեան եւ կռիւի ընթացքին Ջուղայի խաչքարերը ոչնչացուցած Ազերպայճանցիներէն մէկուն,– որ ըստ երեւոյթին Ազերպայճանի նախագահին ազգականներէն էր,– սպանութեան մեղադրանքով։
Խերսոնի բանտի ռմբակոծումէն ետք, Սերգէյ Դեկտեմբեր 2-ին կրցած էր ձեւով մը հասնիլ Օտեսա եւ քանի մը ամիս է, որ չէր կրնար ստանալ Հայաստան վերադարձի վկայագիր։
«Ես Սերգէյի խնդրով զբաղուել եմ՝ երբ երեսփոխան էի, որպէսզի նրան տեղափոխենք Հայաստան՝ պատիժը այստեղ կրելու, բայց կարելի չեղաւ։
Խերսոնի ռմբակոծումից յետոյ կրկին ինձ հետ կապի մէջ էր, եւ մի խօսքով, արել ենք ինչ հնարաւոր է, խնդիրը քննարկել եմ Ուքրաինայում Հայաստանի դեսպանի հետ, եւ հիմա արդէն մեր հայրենակիցը, հայրենիք վերադարձի վկայագիր է ստացել։
Սպասենք Սերգէյին Հայաստանում»,– գրած է Զօհրաբեան։
