Ըստ Արցախի կառավարութեան հաղորդած տեղեկութեան եւ Հանրապետութեան առողջապահութեան ոլորտի պատասխանատուներուն՝ Յունուար 13-ի տուեալներով Արցախի մէջ 847 երախայ կը տառապի սիրտի բնածին արատներով, 93-ը՝ շնչառութեան հարց ունի, 66-ը՝ պարբերական հիւանդութիւններ, 80-ը՝ լուսնոտութիւն (épilepsie), 16-ը՝ շաքարախտ։ Անոնք պարբերաբար կը մեկնէին Հայաստան` համապատասխան բուժում ստանալու համար։ Դեկտեմբեր 12-էն ետք՝ շրջափակման պատճառով, այս երախաները զրկուած են բժշկական օգնութիւն ստանալու իրաւունքէն։ Բացի ատկէ, աւելի քան 10 բժիշկներ կարելիութիւն չունին Հայաստանէն վերադառնալու Արցախ…։