Մայիս 17-ին, Իսլանտայի մայրաքաղաք Ռիքիավիքի մէջ ընթացող Եւրոպայի խորհուրդի 4-րդ համաժողովին ելոյթ ունենալով վարչապետ Նիկոլ Փաշինեան ընդգծած է, թէ Հայաստան կը ճանչնայ Ազերպայճանի 86,6 հազար քառակուսի քիլոմեթր տարածքը, Ազերպայճան ալ կը ճանչնայ Հայաստանի 29,8 հազար քառակուսի քիլոմեթրը, աւելցնելով, որ այս կապակցութեամբ համաձայնութիւնը գոյացած է երեք օր առաջ Պրիւսէլի մէջ կայացած եռակողմ հանդիպումին։
“Բայց Լաչինի միջանցքի ապօրինի փակման հետեւանքով Լեռնային Ղարաբաղի հայերն արդէն 5 ամիս շրջափակման մէջ են եւ ապրում են մարդասիրական ճգնաժամի պայմաններում: Լեռնային Ղարաբաղ եւ Լաչինի միջանցք միջազգային փաստահաւաք առաքելութիւն ուղարկելը անհրաժեշտութիւն է: Իսկ Լեռնային Ղարաբաղի Հայութեան անվտանգութեան եւ իրաւունքների ապահովման համար Բաքու-Ստեփանակերտ բանակցութիւնների մեկնարկը միջազգային հովանու ներքոյ՝ կենսական: Այս հարցերի հասցէագրմանը աջակցելով, Եւրոպայի խորհուրդը կ՚աջակցի Հարաւային Կովկասում ժողովրդավարութեան ու կայունութեան հաստատմանը”,– ըսած է ան։
«Փրակայի մէջ համաձայնեցանք, որ խորհրդային Հայաստանի եւ Ազերպայճանի սահմանները կը դառնան պետական սահմաններ»
Իր ելոյթին, վարչապետը նաեւ շեշտած է, որ 2022 Հոկտեմբեր 6-ին Փրակայի մէջ, Ֆրանսայի նախագահ Մաքրոնի եւ Եւրոպական խորհուրդի նախագահ Միշէլի աջակցութեամբ, Ազերպայճանի նախագահի հետ համաձայնութիւն գոյացած է, որ Հայաստանի եւ Ազերպայճանի յարաբերութիւնները կարգաւորելու ուղղութեամբ ջանք գործադրուի 1991-ի Ալմաթիի հռչակագրի հիման վրայ, այլ խօսքով՝ խորհրդային Հայաստանի եւ խորհրդային Ազերպայճանի վարչական սահմանները դառնան պետական սահմաններ:
