Իսլամական յեղափոխութեան պահապաններու զօրախումբի հրամանատար Ալիռեզա Թանհայի զգուշացուցած է Ազերպայճանը, թէ Իրանի դէմ ուղղուած որեւէ քայլ վճռական պատասխան կը ստանայ։ ISNA լրատու գործակալութեան համաձայն՝ ան այս յայտարարութիւնը ըրած է Ղասեմ Սոլեյմանիի մահուան տարելիցին առիթով տեղի ունեցած արարողութեան ընթացքին։
“Ազերպայճանի Հանրապետութիւնը պէտք չէ կրկնէ Ուքրաինայի եւ Սատտամի (1979-2003 Իրաքի նախագահ) սխալները եւ պէտք է իմանայ, որ Իրանի Իսլամական Հանրապետութիւնը՝ որպէս տարածաշրջանի մէջ հզօր երկիր, երբեք թոյլ պիտի չտայ, որ իր սահմանները վտանգի ենթարկուին”,– ըսած է Թանհայի եւ աւելցուցած. “Իրանի եւ անոր յարակից շրջաններու ապահովութեան դէմ ուղղուած որեւէ քայլ վճռական պատասխան կը ստանայ Իրանի զինեալ ուժերուն կողմէ”։
