Հովանաւորութեամբ Իրաքահայ թեմի առաջնորդ Օշական վրդ. Կիւլկիւլեանի, Ազգային կեդրոնական վարչութիւնը Մայիս 28-ին, Պաղտատի Հայ երկսեռ երիտասարդաց միութեան սրահին մէջ կազմակերպած է գրական-գեղարուեստական երեկոյթ մը՝ նուիրուած Հայաստանի Առաջին Հանրապետութեան 105-րդ տարեդարձին։
Ձեռնարկին սկիզբը, Հ.Մ.Ը.Մ.ի սկաուտներու կատարողութեամբ՝ հնչած է Հայաստանի փառերգը, ապա ելոյթ ունեցած է կեդր. վարչութեան ատենադպիր՝ Պերճ Թիւֆէնկճեան:
Այս պանծալի օրուան առիթով, իր սրտաբուխ խօսքը արտասանած է նաեւ Իրաքի մէջ Հայաստանի դեսպանութեան հաւատարմատար՝ Ալիկ Ղարիպեան:
Հոգեւոր ու Հայրենասիրական երգերով, արտասանութիւններով եւ երաժշտութեամբ՝ յայտագրին մասնակցած է երկսեռ երիտասարդութիւնը։
Հանդիսութիւնը աւարտած է Թեմի առաջնորդին օրհնութեան խօսքով:
