«Ասպարէզ» – «Սիրըքիւզ» համալսարանի հրատարակչատունէն լոյս տեսաւ դոկտ. Դալար Շահինեանի “Stateless: The Politics of the Armenian Language in Exile” («Առանց Պետութեան. Աքսորեալ հայերէնի քաղաքականութիւնը») հատորը, որ նուիրուած է արեւմտահայ գրականութեան անցած ուղիին եւ Սփիւռքի մէջ գոյատեւելու համար անոր դիմագրաւած մարտահրաւէրներուն։

Գալիֆորնիոյ համալսարանի Լոս Անճըլըսի մասնաճիւղին մէջ մասնագիտացած դոկտ. Շահինեան կը քննարկէ յատկապէս Փարիզի «Մենք»-ի եւ Սուրիոյ ու Լիբանանի մէջ ծնունդ առած գրական շարժումները։

Հեղինակաւոր սփիւռքագէտ փրոֆ. Խաչիկ Թէօլէօլեան հատորը կը նկատէ օրինակելի ուսումնասիրութիւն մը, որ լուսարձակի տակ կ՚առնէ սփիւռքներու, ազգերու, ազգային գրականութիւններու եւ համաշխարհային գրականութեան նուիրուած նորագոյն բանավէճերը։

Յաւելեալ տեղեկութիւններու համար այցելել https://press.syr.edu/supressbooks/5578/stateless/ կայքէջը։