Փետրուար 9-ին, Հալէպի Սրբոց Քառասնից Մանկանց մայր եկեղեցւոյ մէջ, պատարագի աւարտին, ընդհանուր հոգեհանգիստով ոգեկոչուեցան Տարօն֊Տուրուբերանի հայր. միութեան հին ու նոր ննջեցեալները։
Առաջնորդ Մակար սրբազան հանդիսապետեց արարողութեան եւ իր քարոզով անդրադարձաւ սասունցիի կերպարին` մեր հին մատենագրութեան մէջ։
Այնուհետեւ, մեծաթիւ հաւատացեալներ ու հայրենակիցներ բարձրացան եկեղեցւոյ կից «Աղբալեան» սրահ, ուր սուրճ հրամցուեցաւ բոլորին։ Խօսք առին վարչութեան ատենապետը` տոքթ. Ղազար Պօղոս, Հիլտա Մարգարեան (ողբացեալ Ալ. Սուսանիի մասին, մահացած` Պէյրութ) եւ պրն Լեւոն Շառոյեան, որ ոգեկոչեց յատկապէս Բերիոյ թեմին մէջ անցեալին ծառայած տարօնցի քահանաները ու անդրադարձաւ հայրենակցական միութեանց երբեմնի աշխուժ գործունէութեան։
© 2023 Բոլոր իրաւունքները վերապահուած են։
