Շարժանկարի բեմագիր, բեմադիր եւ արուեստագէտ Սերգէյ Փարաջանովի ծննդեան 100-ամեակին ընդառաջ պատրաստուող ֆրանքեւհայկական ծրագրի շրջանակէն ներս Ֆրանսայի շարք մը թատրոններուն մէջ պիտի ներկայացուի «Նռան գոյնը» պարային բեմադրութիւնը։
«Արմէնփրէս»-ի հետ զրոյցին այս մասին յայտնած է ծրագրի եւ թատերական նախագծի հեղինակ Սաթէ Խաչատրեան։ Անդրանիկ ներկայացումը տեղի պիտի ունենայ 2024 Յունուար 18-19-ին Տեսինի «Թոպոկան» թատրոնին, Յունուար 26-ին` Մոն-տը-Մարսանի «Կասքոնյը» թատրոնին մէջ։ Ան պիտի ցուցադրուի նաեւ Երեւանի մէջ:
Խաչատրեան նշած է, որ Փարաջանովի 100-ամեակին նուիրուած ֆրանքեւհայկական պարային ներկայացման վրայ սկսած են աշխատիլ 2021 թուականին, աւելցնելով, որ փորձած են ներգրաւել թէ՛ հայ, թէ՛ ֆրանսացի մասնագէտներ:
“Ինձ համար՝ իբրեւ հայ եւ իբրեւ արուեստագէտ, շատ կարեւոր էր, որ Փարաջանովի ստեղծագործութիւնը ներկայացուի այլ դիտանկիւնից, հետեւաբար պարագրողը (chorégraphe) Մուրադ Մերզուկին է: Պարողներից 5-ը ֆրանսիայից են, 2-ը՝ Երեւանից: Խումբին միացել է «Հող» նուագախումբը, որին վստահուած է պարային ներկայացման երաժշտական ստեղծագործութիւնը, եւ Էդգար Մանուկեանը, որը լինելու է ներկայացման հագուստների ձեւաւորման հեղինակը”,– ըսած է Խաչատրեան:
