Հայաստանի մէջ Ֆրանսայի դեսպանութեան «Հայ և ֆրանսացի մասնագէտներու համագործակցութեան և փորձառութեան փոխանակման» ծրագրով Փարիզ գտնուող «Էրեբունի» պատմահնագիտական արգելոց֊թանգարանի տնօրէն Միքայէլ Բադալեան և «Պատմամշակութային ժառանգութեան գիտահետազօտական կեդրոն»-ի տնօրէն Խաչիկ Յարութիւնեան, արդիւնաւէտ աշխատանքային հանդիպում ունեցած են Լուվր թանգարանի Արևելեան հնութիւններու բաժանմունքի ղեկավար Արիան Թոմայի և վերջինիս տեղակալ Վենսան Պլանշարի հետ։
Տեղի ունեցած քննարկումներու ընթացքին, Լուվրի և «Էրեբունի»-ի միջև հաստատուած են ապագայ համագործակցութեան շարք մը համաձայնութիւններ։ Մասնաւորապէս, Լուվրի մասնագէտները պիտի աջակցին «Էրեբունի» թանգարանի նոր ցուցադրութեան ստեղծման, ինչպէս նաև, թանգարանի մասնագէտներու վերապատրաստման գործին։ Կողմերը պատրաստակումութիւն յայտնած են իրականացնելու ընդհանուր ծրագրեր և համագործակցելու ուրարտագիտութեան բնագաւառին մէջ։
