Մարտ 23–29, Հայաստանի Փրկարար ծառայութեան տնօրէն, Ներքին գործոց փոխնախարար զօրավար Կամօ Ցուցուլեանի գլխաւորած պատուիրակութիւնը՝ Եւրոպական Միութեան կողմէ գանձատրուող «Աջակցութիւն Հայաստանի մէջ իրաւապահ մարմիններու եւ անվտանգութեան բնագաւառի բարեփոխումներուն» ծրագրի շրջանակին մէջ աշխատանքային այցով Ֆրանսա կը գտնուէր։

Այցելութեան նպատակն էր քաղաքացիական պաշտպանութեան եւ արտակարգ իրավիճակներու կառավարման ոլորտին մէջ փորձառութեան փոխանակումը եւ համագործակցութեան ընդլայնումը։

Պատուիրակութիւնը հանդիպումներ ունեցաւ Ֆրանսայի Ներքին գործոց նախարարութեան Քաղաքացիական պաշտպանութեան եւ ճգնաժամային կառավարման ընդհանուր տնօրէնութեան (DGSCGC) ներկայացուցիչներու, ինչպէս նաեւ տարբեր քաղաքներու մէջ գործող հրշէջ-փրկարարական եւ արտակարգ իրավիճակներու կառավարման ստորաբաժանումներու ղեկավարներու հետ։

Հարաւ-արեւելեան գօտիի միջգերատեսչական վարչակազմի կեդրոնին մէջ կայացած հանդիպումին ուսումնասիրուեցան Ֆրանսայի մէջ Քաղաքացիական պաշտպանութեան եւ արտակարգ իրավիճակներու ծառայութիւններու ընդհանուր կազմակերպման սկզբունքներն ու առաքելութիւնները, ինչպէս նաեւ կամաւորական հրշէջ-փրկարարական ջոկատներու փորձառութիւնը՝ Հայաստանի մէջ կամաւորական համակարգի զարգացման եւ անօդաչու սարքերով հետախուզական աշխատանքներ իրականացնելու նպատակով։