ՖՐԱՆՍԱՅԻ ՄԷՋ ՀԱՅԱՍՏԱՆԻ ԴԵՍՊԱՆՈՒԹԻՒՆ

«Յարգելի՛ քաղաքացիներ,

Կը տեղեկացենք, որ Յունիս 13-էն Ֆրանսայի մէջ Հայաստանի Հանրապետութեան դեսպանութեան հիւպատոսական ծառայութիւններու ժամադրութիւնը տեղի կ՚ունենայ առցանց եղանակով:

Ժամադրութեան եւ մատուցուող ծառայութիւններու վերաբերեալ մանրամասն տեղեկութիւններ ստանալու համար կը խնդրենք այցելել հիւպատոսական ելեկտրոնային համակարգը հետեւեալ յղումով՝ https://consular.e-gov.am։

Կայքին վրայ մանրամասն ներկայացուած է նաեւ անհրաժեշտ փաստաթուղթերու ցանկը:

Կը խնդրենք ուշադրութեամբ կարդալ անհրաժեշտ փաստաթուղթերու ցանկը եւ հիւպատոսական բաժին ներկայանալ միայն փաստաթուղթերու ամբողջական թղթածրարով (պատճէնները՝ 2 օրինակով) եւ նախապէս հաստատուած օրերուն ու ժամերուն։

Հիւպատոսական ծառայութիւններու համար սահմանուած պետական տուրքի վճարումը կատարել հետեւեալ յղումով. https://www.mfa.am/hy/fees/ (ծառայութիւնը ընտրելէ ետք, կը խնդրենք նշել երկիրը՝ Ֆրանսա, Փարիզ):

Հիւպատոսական հարցերու վերաբերեալ տեղեկութիւն ստանալու համար կը խնդրենք հեռաձայնել Երկուշաբթիէն Հինգշաբթի օրերը ժամը 14.30-17 հետեւեալ թիւերուն՝ (+33) 01 42 12 98 02, (+33) 01 42 12 98 00 կամ գրել rdv.paris@mfa.am ելեկտրոնային հասցէին՝ նշելով անուն, մականուն եւ հեռաձայնի թիւ։

Դեսպանութեան տուեալներ․

Հասցէ`  9, Rue Viète, Paris, 75017 France

Հեռաձայն`  (+33) 01 42 12 98 00

Ֆաքս`        (+33) 01 42 12 98 03

Ել-փոստ`  paris@mfa.am