Դատարանի որոշմամբ Գէորգ եպիսկոպոս Սարոյեան վերականգնուած է Հայ առաքելական եկեղեցւոյ Մասեացոտնի թեմի առաջնորդի պաշտօնին՝ մինչեւ գործով վերջնական դատական վճիռի կայացումը։
Գէորգ եպիսկոպոս Սարոյեան բողոք ներկայացուցած է դատարան ընդդէմ Հայաստանեայց առաքելական Սուրբ եկեղեցւոյ՝ պահանջելով անվաւեր ճանչնալ զինք Մասեացոտնի թեմի առաջնորդի պաշտօնէն հեռացնելու վերաբերեալ Գարեգին Բ. կաթողիկոսի հայրապետական տնօրինութիւնը եւ վերականգնել իր պաշտօնը։
Դատարանը ընդառաջած է բողոքին եւ որոշած է վերականգնել Գէորգ եպիսկոպոս Սարոյեանը Մասեացոտնի թեմի առաջնորդի պաշտօնին՝ մինչեւ դատական գործընթացի աւարտը։
2026 Յունուար 10-ին, Գարեգին Բ. կաթողիկոսի հայրապետական տնօրինութեամբ, Գէորգ եպիսկոպոս Սարոյեան հեռացուած էր Մասեացոտնի թեմի առաջնորդի պաշտօնէն։
Սարոյեան եպիսկոպոս մէկն է այն 10 եպիսկոպոսներէն, որոնք միացած են Հայ առաքելական եկեղեցւոյ բարենորոգման օրակարգին, զոր առաջարկած է վարչապետ Փաշինեան։
