Փլեսի-Ռոպէնսոն եւ հայկական սփիւռքը նոր ռազմավարական դաշինք կնքեցին

Ուրբաթ, Սեպտեմբեր 11-ին, փարիզեան արուարձաններէն Փլեսի-Ռոպէնսոնի քաղաքապետարանն ու Իլ-տը-Ֆրանս շրջանի Հայկական սփիւռքի կազմակերպութիւնը (ODARIF) պաշտօնապէս յուշագիր մը ստորագրեցին՝ նոր հանգրուան մը հասցնելով իրենց գործակցութիւնը։

Այս կարեւոր համաձայնագրի կնքումը տեղի ունեցաւ բարձրաստիճան պատուիրակութեան մը ներկայութեամբ: Հանդիպումին իրենց մասնակցութիւնը բերին Փլեսի-Ռոպէնսոնի քաղաքապետ Ֆիլիփ Փեմեզեք, Հայաստանի կառավարութեան անդամ Զարեհ Սինանեան, Միջազգային յարաբերութիւններու եւ սփիւռքի բաժանմունքի ղեկավար Ալվինա Էլոյեան, ինչպէս նաեւ ODARIF-ի համանախագահներ՝ Լեւոն Աւդալեան եւ Հայկ Շահբազեան։ Պաշտօնական այս հաւաքին ֆրանսական պետութիւնը ներկայացուցած է Անթոնիի եւ Պուլոնյը-Պիյանքուրի փոխ-նահանգապետ Էմանիւէլ Իպոռան։