Բագրատ Գալստանեանի կալանքը՝ երկարաձգուած 2 ամիս

Դատարանը երկու ամիս եւս երկարաձգած է Տաւուշի թեմի նախկին առաջնորդ, «Սրբազան պայքար» շարժումի ղեկավար Բագրատ Գալստանեանի կալանքը։

Դատաւորը, լսելէ ետք պաշտպանական ու մեղադրող կողմերը, յայտարարած է, որ վարոյթը խոչընդոտելու եւ յանցանք կատարելու վտանգները այս պահուս չեն վերացած, եւ խափանման այլընտրանքային միջոցները «ի զօրու չեն ապահովելու Տաւուշի թեմի նախկին առաջնորդին պատշաճ օրինական վարքագիծը»։

Դատաւորին այս յայտարարութենէն ետք, ահաբեկչութեան ու իշխանութեան գրաւման փորձի յանցանքներով մեղադրուող Բագրատ Գալստանեանը չէ անդրադարձած իր կալանքի երկարաձգման. ան միայն դժգոհած է, որ մեղադրողները կը շարունակեն զինք աշխարհիկ անունով կոչել՝ ատիկա համարելով վիրաւորանք։ Դատախազը արձագանգած է, թէ ասիկա աշխարհիկ դատավարութիւն է, եւ որեւէ մէկը վիրաւորելու նպատակ չունին։

Գալստանեան չ՚ընդունիր իրեն վերագրուող մեղադրանքը։

Այս պահուս այս գործով 18 մեղադրեալներէն բանտը կը գտնուին միայն Բագրատ Գալստանեանն ու Վահագն Չախալեանը։ Երեսփոխան Արթուր Սարգսեանը եւ ուրիշ 4 հոգի տնային կալանքի տակ են, իսկ միւսները ազատ արձակուած են։

Նշենք, որ Գալստանեանի կալանքը նախապէս երկարաձգուած էր Փետրուարին։

***

2024 Մա­յիսին, երբ Բագրատ Գալստանեան ստանձնած էր «Սրբա­զան պայ­քար» շար­ժումին ղե­կավա­րու­թիւնը եւ առա­ջադ­րուած՝ որ­պէս վար­չա­պետի թեկ­նա­ծու (այլ հարց, թէ հո­րիզո­նի վրայ չկար նա­խատե­սուած որե­ւէ ընտրու­թիւն՝ խորհրդա­րանա­կան թէ այլ), ան­ձամբ դի­մած էր Ամե­նայն հա­յոց կա­թողի­կոսին՝ խնդրե­լով սա­ռեց­նել իր հո­գեւոր ծա­ռայու­թիւնը։

Թէեւ նման խնդրանք մը ան­նա­խադէպ էր եւ հա­կոտ­նեայ՝ Եկե­ղեց­ւոյ կա­նոնադ­րութեան, Մայր Աթո­ռը ըն­դա­ռաջած էր՝ կա­սեց­նե­լով անոր եկե­ղեցա­կան-վար­չա­կան գոր­ծունէու­թիւնը։

Ուստի հի­մա առ­նուազն զար­մա­նալի է, որ ան կը տրտնջայ, երբ մե­ղադ­րողնե­րը զինք կը կո­չեն իր աշ­խարհիկ անունով։