Հրէական  « Radio J France »-ի հաղորդավար Ֆրետերիք Հազիզայի ներկայացուցած վիճակրկումի յայտագրին հիւրը եղած է Ֆրանսայի Ազգային ժողովի նախագահուհի Եաէլ Պրաուն-Փիվէ։ 

Հաղորդավարը Թուիթըրի իր հաշիւին այս առթիւ կատարած գրառումով, լուսանկարներով եւ տեսանիւթով միասին կը տեղեկացնէ, թէ Պրաուն- Փիվէ յայտագրին ներկայացած է օձիքին՝ Հայաստանի զօրակցութեան նշանակով, որ կը կրէր «I Stand With Armenia» նշանաբանը։

Փիվէ, բացատրելով իր այս քայլը, հաղորդավարին ըսած է. «Որովհետեւ, պէտք է կանգնինք Հայաստանի կողքին։ Իրաւունքը եւ ժողովուրդներու անձեռնմխելիութիւնը պէտք է դասուին ամէն բանէ վեր»։