Ռուսաստանէն Ազերպայճանի տարածքով Հայաստան հացահատիկ ուղարկուած է

Ռուսաստանէն Ազերպայճանի տարածքով հացահատիկով բեռնաւորուած վակոններ ուղարկուած են Հայաստան։ Այս մասին կը յայտնեն ազերպայճանական լրասփիւռները։

Կը նշուի, որ տարանցիկ ճամբով Ռուսաստանէն Հայաստան ուղարկուած է 25 վակոն հացահատիկ՝ 1.746 թոն ընդհանուր կշիռքով։

Ցարդ Ռուսաստանէն Ազերպայճանի վրայով տարանցիկ ճամբով արդէն Հայաստան ուղարկուած է հացահատիկով բեռնաւորուած 285 վակոն՝ շուրջ 19 հազար 900 թոն հացահատիկ։

Յիշեցնենք, որ 2025-ի վերջաւորութեան Հայաստան սկսաւ Ազերպայճանի տարածքով հացահատիկ ու վառելանիւթ ներածել։