«Դեղին բաճկոնաւորներ»-ը կը պատրաստուին «երկրորդ արար»-ին

Հոկտեմբեր 17-ի զանգուածային ցոյցերէն ետք, «Դեղին բաճկոնաւորներ»-ու շարժումին համակարգող խումբը յայտարարած է, թէ յառաջիկայ Շաբաթ, Հոկտեմբեր 24-ին, բողոքի նոր հաւաքներ պիտի կազմակերպուին Ֆրանսայի տարածքին՝ «երկրորդ արար»  (« Acte-2 ») նշանաբանով։

Կազմակերպիչներուն համաձայն, արդէն իսկ տասնեակներով ցոյցեր նախատեսուած են տարբեր քաղաքներու մէջ։ Շարժումը մտադիր է շարունակել զօրաշարժը նաեւ Հոկտեմբեր 31-ին եւ Նոյեմբեր 5-ին, երբ արհեստակցական միութիւններն ալ համազգային գործադուլի եւ ցոյցերու կոչ ուղղած են։

Համակարգող խումբը Մաքրոնի վերջին ուղերձը «դատարկ» որակած է՝ պահանջելով, որ նախագահը ընդունի շարժման ներկայացուցիչները։