Զոհերուն շարքին Հայաստանի քաղաքացիներու մասին տեղեկութիւն չկայ
Հայաստանի Արտաքին գործոց նախարարութիւնը (ԱԳՆ) կը տեղեկացնէ, որ Մերձաւոր Արեւելքի երկիրներուն մէջ Հայաստանի դիւանագիտական ներկայացուցչութիւններն ու հիւպատոսարանները օրը 24 ժամ արտակարգ դրութեամբ կ՚աշխատին՝ աջակցելով տարանցիկ թռիչքներու ջնջման կամ յետաձգման պատճառով արգելափակուած Հայաստանի քաղաքացիներուն։
Քննարկումներ կ’ընթանան FlyOne, FlyDubai, Air Arabia եւ Qatar Airways ընկերութիւններուն, ինչպէս նաեւ գործընկեր երկիրներու հետ՝ թռիչքներու այլընտրանքային տարբերակներ գտնելու եւ գործընթացը դիւրացնելու նպատակով։
Արաբական Միացեալ Էմիրութիւններու մէջ Հայաստանի դեսպանատունը մշնայուն կապի մէջ է հոն ուսանող 92 հայերուն եւ համալսարաններու ղեկավարութեան հետ՝ ցուցմունքներ եւ խորհրդատւութիւն տրամադրելով։
Նաեւ՝ անհատական կապ կը պահպանուի տարածաշրջանէն դուրս գտնուող այն քաղաքացիներուն հետ, որոնք թռիչքներու ջնջման պատճառով չեն կրնար Հայաստան վերադառնալ։
Ինչ կը վերաբերի Իրանի եւ Իսրայէլի՝ այս երկիրներուն մէջ գործող Հայաստանի դեսպանատուներն ու հիւպատոսարանները կը շարունակեն իրենց գործունէութիւնը. ցարդ քաղաքացիներու կողմէ դիմումներու մեծ հոսք չէ արձանագրուած։
Հայաստանի դեսպանատուներն ու Արտաքին գործոց նախարարութիւնը թէժ գիծերու միջոցով կը պատասխանեն քաղաքացիներու հարցումներուն եւ կը տրամադրեն անհրաժեշտ տեղեկութիւններ կարելի թռիչքներու եւ իրավիճակին մասին։
Ստորեւ, տարածաշրջանին մէջ գտնուող Հայաստանի դեսպանատուներու կապի տուեալները.
- Իրան. +98 902 0059927
- Իսրայէլ. +972 58 607-0313 (նաեւ WhatsApp), +972 58 581 1144
- Արաբական Միացեալ Էմիրութիւններ. +971 50 614 4624, +971 50 936 7385 / Տուպայի ՀՀ գլխաւոր հիւպատոսութիւն. +971 58 567 0993
- Քուէյթ. +965 2532 2175, +965 9006 5454, +965 2532 2174
- Օման. +968 9381 2337
- Քաթար. +974 4491 9232, +974 3330 3979
- Լիբանան. +961 3 157 305, +961 3 536 041
- ՀՀ ԱԳՆ. +374 55 620111 (նաեւ WhatsApp)
