Մայր Աթոռը կը դատապարտէ «ՔՊ»-ի նախընտրական ծրագիրը
Մայր Աթոռ Սուրբ Էջմիածինը հանդէս եկած է խիստ յայտարարութեամբ մը՝ քննադատելով իշխանութեան «Քաղաքացիական պայմանագիր» կուսակցութիւնը իր նախընտրական ծրագրին համար եւ զգուշացնելով, որ Հայաստանեայց առաքելական եկեղեցւոյ վերաբերող առաջարկուող գործողութիւնները լուրջ սահմանադրական եւ հոգեւոր մտահոգութիւններ կը յարուցեն:
Իր պաշտօնական յայտարարութեան մէջ Մայր Աթոռը նշած է, որ «խստօրէն կը դատապարտէ Հայաստանեայց առաքելական Սուրբ եկեղեցւոյ վերաբերեալ անընդունելի դրոյթներու ընդգրկումը “Քաղաքացիական պայմանագիր” կուսակցութեան նախընտրական ծրագրին մէջ»: Յայտարարութիւնը կը մանրամասնէ, որ ծրագիրը կը պարունակէ եկեղեցական բարեփոխումներու նախաձեռնութիւններ, եկեղեցւոյ կանոնադրութեան վերանայում, Ամենայն հայոց կաթողիկոսի պաշտօնանկութիւն եւ այդ պաշտօնին համար նոր ընտրութիւններու կազմակերպում:
