Փութին տոկունութիւն մաղթած է Քոչարեանին
Ռուսաստանի նախագահ Վլատիմիր Փութին շնորհաւորական ուղերձ յղած է Հայաստանի երկրորդ նախագահ Ռոբերտ Քոչարեանին՝ ծննդեան տարեդարձին առթիւ։
«Ռուսաստանի մէջ չեն մոռնար այն անձնական աւանդը, որ ունեցած էք մեր երկիրներու բարեկամական, դաշնակցային յարաբերութիւններու զարգացման գործին մէջ։ Անկեղծօրէն կը մաղթեմ ձեզի քաջառողջութիւն, եռանդ եւ տոկունութիւն՝ այն փորձութիւններուն դիմաց, որոնց առջեւ կանգնած էք դուք եւ ձեր ընտանիքի անդամները»,– նշած է Ռուսաստանի նախագահը։
72-ամեայ Ռոբերտ Քոչարեան անցեալ շաբթուընէ ի վեր կալանքի տակ կը գտնուի. ան կը մեղադրուի պաշտօնական լիազօրութիւնները չարաշահելով մեծ գումարներու կաշառք ստանալու եւ գումարներու լուացման յօդուածներով։ Նոյն այս մեղադրանքներով կալանաւորուած է նաեւ անոր աւագ որդին՝ Սեդրակ Քոչարեանը։
Քոչարեանները այս գործը կը նկատեն քաղաքական հալածանք, իսկ վարչապետ Փաշինեան կը յայտնէ, թէ անոնք պէտք է արդարադատութեան առջեւ կանգնին ապօրինի հարստացման յանցանքով:
